Sali bälplers !!!
SPANIÄ ISCH EUROPAMMEISCHTER – wär hätti das dacht ? zwoi vo oi händ am afang vom tippspiäl uff Spaniä tippäd, nämli zwoi wo gar nöd a dä belpstr wohnät : mis schätzli d’ estellita u dä legändar chriko 
gratulliärä zur meischterlichä leischtig u wir hoffät oi bald mal a dä belpstrass begrüässä z’chönnä
Abr, zrugg zum geschtrigä spiäl : i diä erschtä 15 minutä hät, us düütscher sicht, aues guät uusgseh… dütschä hei drucket, dominiärt, än hohä rhytmus vorg’leit u äs früähs vorchecking betribä. Aues hät uff’änä sieg vo ballack und co hiädüted… abr als spaniär ihre siesta beändigät hei, hät sich blatt schnell mal gwändet… gägä s’iberische churzpassspiell hei d’düütschä kei gägemittel g’fundä… z’ersch hätt dä metzler fasch äs eigägoal gschossä, dänn hät dä torres än chopfball an pfoschtä g’setzt. nach guät 10 minutä powerspiäl vo dä rojos hät dä torres sini weltklassä torschussqualitätä voll zur gältig b’racht : uff zuäspiel vom xavi, hät er sich i dä 33 minutä z’ersch gägä dä lahm durägsetzt u dänn no dä lehmann überlischtät. i dem momänt hät diä ganz iberischi halbinslä bebt u 46 millionä spaniärInnä hei ihrä schlachtruäf españa olé ahgstimmt…
d’mannschaft hät natürli alles geh um uus’zgliichä, ahgführät vo rund 82 millionä dütschä. aber däää bratä hei d’spaniär nümmä hergäh… nach 44 jahr isch Spaniä widr Europameischter wordä – verdiänt, will si sit äm ahfang vom tourniär überzügt hei. Än würdigä meischter ! wir gratulliärät.
Auuso zum wichtigschtä, dä raglischtä : s’ 1 zu 0 vo spaniä hät numä d’nathalie richtig voruus g’seit, das giit fetti 4 pünkt :
Rang 1 Däfu: 26
Rang 2 Cönä: 23 (uffala, mit ämänä 1-0 tipp hätsch mi iigholt)
Rang 3 Sylie: 19
Rang 4 Sveni: 18
Rang 5 Chriko: 15
Rang 6 Estellita: 15 (später dazugekommen)
Rang 7 Lisä: 11
Rang 8 Mättu: 11 (später dazugekommen)
Rang 9 Dänu: 8 (später dazugekommen)
Rang 10 Nathalie: 7 (später dazugekommen)
bi dä zwoi bonus fragä hei 4 lüütlis punktät : die wo ouf spanniä tippäd hei (das giit fetti 7 pünkt) u die wo am beschtä d’azahl goals g’schätzt hei (git au widr 7 fetti pünkt) ! dä sveni u dä däfu hei bäidi 85 goals vorussgseit u sind dadamit 2 goal näbäd dä eigäntlichä ahzahl vo 87 goals gsi… J
Rang 1 Däfu: 33
Rang 2 Sveni: 25
Rang 3 Cönä: 23
Rang 4 Chriko: 22
Rang 5 Estellita: 22 (später dazugekommen)
Rang 6 Sylie: 19
Rang 7 Lisä: 11
Rang 8 Mättu: 11 (später dazugekommen)
Rang 9 Dänu: 8 (später dazugekommen)
Rang 10 Nathalie: 7 (später dazugekommen)
auuuuuuussssoooooo – i schlah vor dä günner b’chuuunt eiiis jahr feriä i dä karibik, freibiär u alles was herz begehrt dazuä 
näiii, im ernscht, i schläh vor wir machät än grossä sangria u gratuliärt ois gägäsiitig fürs g’mütlichä z’ämmäläbä
i woot a disärä stell oi allnä nomal dankä füäs mittmachä… s’hät spass g’machät- hasta la vista, lüüütlis J
con mucho gusto,
dedo
